avamina

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى لمحبى مارمينا


    قصائد الدكتور بشرى عجبان

    avatar
    peterpeteremad


    المساهمات : 14
    تاريخ التسجيل : 09/06/2010

    قصائد الدكتور بشرى عجبان Empty قصائد الدكتور بشرى عجبان

    مُساهمة  peterpeteremad الخميس يونيو 24, 2010 11:49 am

    كلمات القصيدة

    أرجوك وأنت بتكلمني بص في عيني..
    ومتسرحش. لو عارف إنك هـاتجيني..
    بطل تغمز ، بطل تهمس ، بطل تلمس..
    راح أشوفك لو حاتغميني!!
    خليك واضح وارفع صوتك متخبيش
    ومتستعمنيش.
    ومتفكرش إن أنا مش عارفك..
    لو تتسحب برده أنا شايفك..
    ليه تستخدم عجزي بحيلة ؟
    أنت جرحت عواطفي بعطفك!!
    أوعى تكون فاكر نظرك مبيأذيش
    متستعمنيش.
    وأنت يا شايف تعرف تشرح..
    معنى الضلمة ياعم مفتح..
    لو تسمحلي أنا راح أقولك :
    عارف لما تتوه أو تسرح!!
    مهما تبحلق مخك فاصل مبيجريش
    فمتستعمنيش.
    أنا على طول بقى سرحان..
    فاصل ، تايه ، مش قلقان..
    وده مش يأس ،لأ دي طبيعتي.
    عايش بيها وعندي إيمان!!
    فمتسرحش ده أنت مفتح عيب متجيش
    متستعمنيش.
    وأنا لا كئيب ولا وحداني..
    ولا عايش بلعن في زماني..
    بس أنا حر لو أفضل ساكت.
    ومش من حقك تستعماني!!
    لو في مكاني لو في مكاني مش حتعيش
    فمتستعمنيش.
    ومتفكرش إن أنا مش راضي..
    أو عايش على ذكرى الماضي..
    أو مش عايز أحس إني أعمى.
    لأ دي حقيقة واضحة قصادي!!
    بس أسمحلي أنا من حقي برده أعيش
    يبقى متستعمنيش.
    ده أنا إنسان.. لو ناقص عين..
    عندي ودان.. عندي إيدين..
    عندي لسان يحكيلك عني.
    وأقدر أقولك تطلع مين!!
    أنت بعينك لو غمضت .. متشوفنيش
    فمتستعمنيش
    أنا أقدر أشوفك ولو مش جنبي
    ومش من عندي لا ده من ربي
    اللي إدالك نور في عينيك
    حطلي نوري كله في قلبي!!
    لو غمضنا أنا بقى نوري مبيطفيش
    يبقى متستعمنيش
    تعرف لو فتحت ثواني
    حتى إن كنت راح أتعمي تاني
    راح أغمضهم بقى بمزاجي
    أصل الضلمة ماليه كياني
    راح توحشني بس النور مبيوحشني
    متستعمنيش
    أنا عايش بسمع في كلام
    وادخل فيه ذي الأحلام
    وأعرف مين بيقول من قلبه
    وأعرف مين بيقول أوهام
    أصل الضلمة مفيهاش هزّة ولا تشويش
    متستعمنيش.
    وأنا ياحبيبي بحب النور
    وياما حاولت أطيح وأثور
    أنا زيّك بلعن في الضلمة
    بس الضلمة عندي بحور
    مبتخلصش مهما بجدف مبتمشيش
    بس برده متستعمنيش
    وحاقولك على حاجة مهمة
    أوعى تفكر تلعن ضلمة
    أنا لو منك أولع شمع
    شمعة ممكن تنهي العتمة
    متكسلش عافر كافح متخليش
    ومتستعمنيش.
    وأنا مع أني معنديش شمعة
    لسه في عيني باقيه الدمعة
    يمكن ضي الدمعة ينور
    يمكن شق الدمعة فيه لمعة
    ومبسكتش مهما بعيط مبتضويش
    حتى لو متستعمنيش.
    بس حاعيط وحدي وأخفي
    يمكن تضوي .. يمكن تشفي
    ولو مضوتش ولو مشفتش ؟
    حافضل أعيط مش راح أكفي
    متفكرش إن الأعمى مبيبكيش
    متستعمنيش
    نفسك تسألني وملهوف :
    هو أنا نفسي أبقى بشوف؟
    مش راح اجاوبك .. أرجوك اسكت
    الفكرة بتملاني من الخوف
    متكملش وعشان خاطري متسألنيش
    ومتستعمنيش
    عايز أفتح أو متعود
    تفرق إيه مش حاتزود
    لو كنت مغمض بمزاجي
    كنت حاخلي مزاجي يحدد
    لو بمزاجي لو بمزاجي كنت مجيش
    متستعمنيش.
    أفرح ولا أحزن مفرحش
    أقوم من نومي ولا فتحش
    وأقضي يومي زي النايم
    وأما أجي أنام مبغمضش
    مبتفرقش أغمش أفتح برده مفيش
    فا وحياة عينيك.. متستعمنيش!!
    avatar
    peterpeteremad


    المساهمات : 14
    تاريخ التسجيل : 09/06/2010

    قصائد الدكتور بشرى عجبان Empty قصائد الدكتور بشرى عجبان

    مُساهمة  peterpeteremad الخميس يونيو 24, 2010 11:51 am

    أنا مين؟؟؟!
    أنا متعمّد وابن يسوع
    أنا بوعظ أفراد و جمـوع
    أنا مـليان بركات وخـشوع
    أنا موجود وعليَّ العين!!
    بين الناس .. ليا مـقام
    في القداس .. مقبلش كلام
    مانا شماس بأسـاس ونـظـام
    أنا غير باقي البنآدمين!!
    أنا بخدم أولاد وشباب
    وأمسك أسـرة درس كتاب
    و بنـــظّم دورات ألـعاب
    وأعمل رحلات للشاطرين!!
    وأنا على فكره بقى فنان
    و بمثّل , وبـغنيّّ كــمان
    وبدرّس قــبطي وألـــحان
    أنا شـاعر .. بكتب دواوين!!
    أنا خاطي لكنْ مش نادم
    مانا في الظاهر أعظم خـادم
    ده يمكن أكون الكـاهن القادم
    مانا بعرف أظــهر مسكين!!
    أنا متجدد, أنا موهـوب
    أنا مـتودد, أنا مـــحبوب
    أو متشدد .. أو مـــــرهوب
    حســب الـدفّة رايـحة لفين؟!!
    أنا كلمنجي .. أنـا متسلّق
    أنا محــورجي .. أنا متملّـق
    أنا مشــهور.. أنا مــتآلِــق
    أنا ع القمة.. مــع الفايزين!!
    طبعا وضحت أنا مين أكون..
    بلـــمع وأخدع أيّ عيون..
    وقلبي الفاضي صـــار ملعون
    أصل أنا أبقى من الملاعيــــــــن
    أصل أنا أبقى شجـــــرة تـــيــــن..
    avatar
    peterpeteremad


    المساهمات : 14
    تاريخ التسجيل : 09/06/2010

    قصائد الدكتور بشرى عجبان Empty قصائد الدكتور بشرى عجبان

    مُساهمة  peterpeteremad الخميس يونيو 24, 2010 11:54 am

    بعــــــــــــــد ثلاثه ايـــــــــام......جـــــــــــــاء يسوع الحنان
    يقيم لعاذر مــــــــــن الاكفان..... وســـــــــــط الجمع الحيران
    وفـــــــــــــــى احد الشعانين......فـــــيــــــه النــــــاس بتهين
    الــــــــــــــرب يسوع الكريم..... فــــــــــــــــى بيته القويــــم
    وايوب الصديق صبر ونـــال.... ثلاثه اضعاف مـــــــا كـــــان
    علشان مـــــنـــه نتعلــــــــم .... منستعجلش ونسلــــــــــــــم
    للــــــــــــــــــــــــرب الحنون....وعلشانـــه يهــــــــــــــــــون
    وفــــــــــــــــى خميس العهد.....اخذ جسده واعطــــى التلاميذ
    وشربوا مــــن الـــدم العفيف....ونالــــــــــــوا ســـــــر شريف
    وبتمن رخيـــــــــــــــــــــص.... ملـــهوش تاريـــــــــــــــــــخ
    بــــــــــــــاع يهوذا الضعيف.....يسوع الشريــــــــــــــــــــــف
    وتسلـــــــــم يســوع الجميل.....بقبله مــــــــن فـــــــــم اللعين
    وســــط التلاميذ مسكـــــــوه....وبالحــــــبـــــــــال قــيـــــــدوه
    وتصلـــب يســــــــوع القدير....مـــــن غيــر ان يكــــــون جدير
    وادفــــــــن يســوع فـــى قبر....كــــــــــــــان علـــيه حـــــراس
    علـــــــــشـــــــــــان قيصـــر... لا يــــــــــحـــــتــــــــــــــــــاس
    وفــــــــــــــــى تلات يـــــوم.... قــــــــــام المسيـــــح الـــرهيب
    فــــــــــــى يــــــــــده صليب.....كـــــــــــألــــــــــه مـــجـيــــــد
    ده اسبــــــــوع طــــــــــويل.... فــــيه الدمــــــــــــــــــع بيسيل
    الخاطـــــــــــــى واقـــــــــف.... بيصــــــــرخ وشايـــــــــــــــف
    الـــــــــــرب بيتالــــــــــــــم.....عــــلــشـــــان نتعـــلـــــــــــــــم
    ان الفــــــــــــــــــــداء عظيم...مـــــــــن الــــــــــــرب الكريــــــم
    يـــــــــا قيافا يــــــــــــا قيافا.. خلـــــــــــــى عقــلك صفصافـــــه
    ازاى تحكم علـــــــى المسيح... بانـــــه جدف مــــن غير تصريح
    يا قيافا خلــــــى النار تكويك ..عــــلشـــــان تـــــــوريــــــــــــــك
    ان المصلـــــــــــوب فـــــاديك...والحـــــربه فـــــــى جنبه تنجيك
    avatar
    peterpeteremad


    المساهمات : 14
    تاريخ التسجيل : 09/06/2010

    قصائد الدكتور بشرى عجبان Empty قصائد الدكتور بشرى عجبان

    مُساهمة  peterpeteremad الخميس يونيو 24, 2010 11:55 am

    لايهود صلبوك ولا حتى رومان ده بإيدي يا رب أنا صلبتك أعمالي

    وشري في إيدي كرباج ونزلت بعزمي وجهلي جلدتك أخرج من صمتك عنفني وأمسك كرباجي وكتفني

    وبقوة حبك أضعفني ده أنا ياما غلطت وعذبتك تسليمك طبعي وهواية وفلوس بيعك لسه معايا مع إنك

    محفور جوايه سألوني عليك رحت نكرتك أصرخ من ألمك من ضربي وأضربني بإيدك على قلبي شوف

    قلبي ليه قسي على ربي ده أنا ياما رفضتك يامــــــــــا سيبتك مسامير إيدك أيدي سنتها وأشواك

    ألمك بذرة نسيتها وزرعت معاها شجرة سقتها خدوا منها الخشبة وصلبتك كـــســـــر أغـــــلالــــك

    قــــيـــــدني و إكسرلي قيـــــــــــودي وساعدني و إخـــطـــفــنـــــي لحضنك إبعدني ده أنــــا يـــامـــــا

    عاندتك و بــــعدتك أنا باراباس ليه تشيلي صليبي خلع هدومك من ألاعيبي وقرعة توبك جت في

    نصيبي ومسكت الحربة وطعنتك أنزف من قلبك من جنبك واغسلني بجسدك وبدمك فتح لي عينيا على

    حبك دا أنا ياما بغمض وبعاندك ده الخل اللي شربته عصيري ومرار طعمه من تأثيري قصة قتلك من

    تدبيري نزلتك قبري ودفنتك أخرج من قبرك ده مكاني وأترك أكفانك دي عشاني وأصعد للسما وأرجع

    تاني قومني بموتك وقيامتك


      الوقت/التاريخ الآن هو الجمعة مارس 29, 2024 12:15 am